|
حروب
الوراثة تنتقل لفضائية "الليبية" طرد وحرق
مسلسل مستورة لعاّبة الكورة!
نقل بعض
التوريين لسفارات بدلا من الحديقة!
الواحد
ما عادش يعرف شني يقول! سيدنا سيف فرّحنا
بمحطة فضائية ليبية ممكن تتفرج عليها، بعد طول
انتظار وبعد خراب مالطا، لاكن الجماعة
التانيين موش عاجبهم الأمر وراحوا يدوروله في
الرز عظام... مسكين ها الوليد... مش ناويي
يخلوه يعمل حاجة.. ويعكفوا فيه...
سمعنا أن فيه تقرير خطير يقول
أن مسلسل مستورة والكورة واللي يبان فيه وحدة
بنت سمينة بوها عنده فلوس بالتشيدينديتي وتحب
وغاوية تلعب كورة وجابت مدربين من اجميع أنحاء
العالم وتعبوا وراها وقالوا لها أنتي لا يمكن
تتعلمي كورة أنتي متنفعيش أنتي موش موهوبة
ودوري على حاجة تانية... البنت سكرت راسها
وقالت شني دخلكم أن نبي نلعب غصبا عنكم، فلوس
بويا أني موش فلوس بوكم أنتو... وأني نعمل
اللي في راسي... طبعا البنت كانت لابسة ماليا
رقم 10... ورقم 10 يلبس فيه الساعدي..
والفيكيو امتاع الساعدي فلاويسه ما شا الله
هلبة! والساعدي لا يعرف كورة ولا يحزنون!
فهمتوا توا؟... وحدة من
الجماعات اللي تكتب في الريبورتو وصلت الخبر
لفوق فوق وصدر الأمر من الباب العالي بوقف
البرنامج والتحقيق مع المؤلف والمخرج
والممثلين؟
عاد كيفاش توا؟ واخدين عيال
الناس تسلية في رمدان؟ بلاد مفيهاش حشم ونخوة
ولا حتى جعرة!
من هي هذه الجهة... مازال موش
معروف... يعتقد أن الجماعة اللي عملوا المسلسل
(ربي ياخد باخاطرهم وينجيهم من بوسليم وبوغريب
وجوانتانامو) ليهم علاقة بالمرحوم بشير
الرياني والمعروف أن الرياني كان على علاقة
وثيقة جدا جدا جدا بالساعدي وبعدين صار بينهم
احتكاك موش ولا بد... ومات المسكين بشير...
عاد نحن نعرف أن فيه احتكاك واحتكاك
والاحتكاكات أنواع وأشكال... وأني ما يخصنيش
وأني أخطي راسي وقص... شنو داخلني عاد...
وبعض الأراء تقول أن الموضوع
كله مدسوس من الباشمهندس دكتور محمد
الفراتيللو جراندي... لآن يحب ينتقم منه على
حاجات قديمة حصلت...
وفيه من يقول أن هنالك تحريض
من الباشمهندس المليارداريو... خللودة
الخويدلي... لأن فيه مشكلة قسمة ما صارتش
بالحق (مع أنها بسيطة جدا لا تتجاوز خمسمية
مليون يورو...)
لا حول ولا قوة إلا بالله...
آخر زمان الخوت يتعاركو على فلوس... والمازيات
وجدات... والله حشمتونا قدام الأجانب...
طبعا هنالك من يضرب تحت السّرة
ويقول أن حزب المحافظين القدم... يحاول يبث
الفتنة في البلاد وما بين العباد باش يخلا له
الجو وودينات القايد كيف قبل كيف تالي...
ربي يهديهم ان شاء الله!
اليوم ولد اختي جابلي شوية
تصاوير بالموباليل فيها بعض الأسماء... وقال
لي أنه صارت احتجاجات كبيرة بكّل على مشروع
حديقة حيوانات التورة وطلبوا من القايد باش
ينفيها ولكن ما باش...
وفيه بعض ناس يقولوا أنه بعد
دراسة الموضوع تبين أن الوقت مازال بكري باش
يشيلوهم كلهم شيلا بيلا مرة واحدة... لأن
بعضهم هدد بإفشاء الأسراء (زعمك ليبيا فيها
أسرار!)...
المهم أنه تقرر رفع بعض
الأسماء من القائمة مؤقتا ونقلهم للخارج باش
يقعدوا سفراء... في دول العالم البعيد ومن ضمن
هؤلاء اللي شاركوا في تخطيط أعمال ثورية في
الخارج والداخل نتج عنها حوادث وفاة مؤسفة...
ووعدني ولد أختي باش يجيبلي أسماء السفراء
الجدد ومنهم حوالي 13 من أشد عتاة التوريين من
النهاقين والنهابين لرزق البلاد... وأرواح
العباد...الخ
فيه البعض من جماعة سيف هددوا
بعض الأعضاء في حزب المحافظين بقيادة حمد ولد
ابراهيم بغطسهم في الشمعة المطبوخة باش يعملوا
منهم متحف شمع كيف متاع لندرة اللي اسماه مدام
تيسو... وقالوا لهم احني نسمي متحفنا الجديد
متحف مدام تيوسو...
وقيل أن هنالك الكثير من حوادث
السيارات المبرمجة التي تدخل تحت بند "حادث
أليم" يتم ترتيبها الآن بسرية وكتمان
شديدين... ويا ستار على الناس الماشية في
الشارع اللي مالاهاش لا ناقة ولا جمل في هذه
الجويررا ! يمشوا في الدهامة وخلاص...
يلاحظ أيضا أن الدكتور الهندي
(الخرياط) كاران سينغ... اللي كان يخدم في
برنامج الأسلحة البيولوجية ومن زمان سافر من
طرابلس ، فيه بعض الناس شافوه عاود (الباين
كمل فليساته خاطر هو يحب الروليت هلبة)...
ويقال أنه قاعد يجهز في
سوبوزتوريات سبيشيالي تتسبب في أمراض خطيرة
مثل السرطان والتهاب الكبد الوبائي وحاجات
تانية تخلي المريض يقول تشاو تشاو بدري قبل
وانه...
بضع الأسماء الثورية من
المرشحين لحديقة حيوانات التورة:
·
عمار إحتيوش
·
حتيوش فرج حتيوش
·
ناجية انديشة
·
المهدي العربي
·
عائشة جلود
·
سالمة عبدالجبار
·
سليمان الشحومي
·
بشير احميد
·
أحمد النويصري
·
عبدالله الطاهر
·
صالح الشريف (المجرفة)
·
سعيد خيشة
·
عمر رشوان
·
حسن الفلاح
·
سالم محمد بن عامر
·
سالم ابراهيم بن عامر
·
محمد السنوسي بن عامر
·
موسى الأشخم
·
المهدي امبيرش
·
د. عمر البرعصي
·
سالمة راشد
·
محمد الكليلي
·
نوري ضو الحميدي
·
السنوسي الوزري
·
محمد مصطفى الأصفر
·
سعد مصطفى الأصفر
·
مسعو نصر الرقعي
·
أحمد البعجة
·
نعيمة المغربي
·
عبدالحميد امبيرش
·
محمد حسن (المطرب والممرض
سابقا)
·
على الكيلاني
·
عبدالله منصور
·
سالم صبره
·
عبدالهادي موسى
·
على الفيتوري خليفة
·
ميلاد الفقهي
·
محمود البوسيفي
·
الشيخ الزناتي
·
خليفة حواس
الحاج
الطرابلسي
عن اخبار ليبيا |